Ավելի վատ է լինելու․ Թևան Պողոսյանը՝ նախագահի հեռանալուց հետո իրավիճակի մասին

ԵՐԵՎԱՆ, ՀՈՒՆՎԱՐԻ 26, 24News

Քաղաքական

Արմեն Սարգսյանը հրաժարականի տեքստում ամեն ինչ գրել է, ճգնաժամ է, ճգնաժամը հաղթահարելու քայլեր այդպես էլ տեղի չեն ունենում։ Այս մասին 24News-ին ասաց, նախագահի նախկին խորհրդական, Մարդկային զարգացման միջազգային կենտրոնի ղեկավար, քաղաքագետ Թևան Պողոսյանն՝ անդրադառնալով 4-րդ նախագահ Արմեն Սարգսյանի հրաժարականին։

«Եթե մարդը հրաժարական է տալիս, կապ չունի ով, որևէ մեկն ասում է՝ «չկա զսպվածութայն և հավասարակշռման մեխանիզմ», հիմա եթե գալիս է մեկը, ով իրենցից է [«Քաղացիական պայմանագիր» կուսակցությունից], էս մեկն ի՞նչ է անելու։ Դուք Ձեր հարցին պատասխանեցիք», - ասաց Պողոսյանը՝ պատասխանելով հարցին, թե ինչ խնդիրներ կլինեն ՔՊ-ից ընտրված նախագահի պարագայում։  

«Ապագայում ճգնաժամը ոչ թե հաղթահարվելու է, ավելի է խորանալու՝ հաշվի առնելով նաև այս մոտեցումը։ Մարդը 4 տարի ամեն անգամ ասել է, որ չկան զսպման և հավասարակշռման մեխանիզմներ, ապա նույն ձև վիճակը շարունակվելու է, մի բան էլ ավելի վատ է լինելու», - եզրափակեց Թևան Պողոսյանը։

Հունվարի 23-ին Արմեն Սարգսյանը հայտարարել էր նախագահի պաշտոնից հեռանալու որոշման մասին։ «Կրկին կարող է հարց առաջանալ, թե ինչու՞ Նախագահը չկարողացավ ազդել այն քաղաքական իրադարձությունների վրա, որոնք մեզ հասցրել են ներկայիս համազգային ճգնաժամի: Պատճառը կրկին ակնհայտ է՝ համապատասխան գործիքների պակասը, գործիքներ, որոնցով ցանկացած պետական պաշտոնյայի օժտում է բացառապես մեկ փաստաթուղթ՝ Սահմանադրությունը: Հենց գործող Հիմնական օրենքի մեջ են թաքնված մեր որոշ կարևոր խնդիրների արմատները», - նշել էր Սարգսյանը։

--00--ԿԿ