ԵՐԵՎԱՆ, ՓԵՏՐՎԱՐԻ 25, 24News
Չինաստանի դիրքորոշումն ուկրաինական հարցի նկատմամբ հետեւողական Է. Պեկինը հորդորում Է բոլոր կողմերին՝ զսպվածություն դրսեւորել եւ կանխել հետագա Էսկալացիան: Այդ մասին, ինչպես տեղեկացնում Է «Արմենպրես»-ը, փետրվարի 25-ին տեղի ունեցած ճեպազրույցում հայտարարել Է ՉԺՀ-ի ԱԳՆ-ի պաշտոնական ներկայացուցիչ Վան Վենբինը, պատասխանելով այն հարցին, թե արդյոք Չինաստանն Ուկրաինա «ներխուժումը» ռազմական Է համարում այն ամենից հետո, ինչ տեղի ունեցավ վերջին օրերի ընթացքում:
«Յուրաքանչյուր երկրի ինքնիշխանությունն ու տարածքային ամբողջականությունը հարկավոր Է հարգել եւ պաշտպանել:
ՄԱԿ-ի կանոնադրության հիմնական նպատակներն ու սկզբունքները անհրաժեշտ Է պաշտպանել համատեղ ջանքերով. դա սկզբունք Է, որը Չինաստանը պահպանել Է, ինչպես նաեւ՝ միջազգային հարաբերությունների հիմնական նորմա, որը պետք Է պահպանեն բոլոր երկրները»,-հայտարարել Է դիվանագետը:
Միեւնույն ժամանակ, նշել Է նա, մենք տեսնում ենք, որ ուկրաինական հարցի պատմությունը բարդ Է ու առանձնահատուկ, եւ, հասկանալով Ռուսաստանի ռացիոնալ անհանգստություններն անվտանգության ոլորտում, Չինաստանը հանդես Է գալիս սառը պատերազմի մտածելակերպից լիովին հրաժարվելու եւ երկխոսության ու բանակցությունների ճանապարհով եվրոպական անվտանգության հավասարակշռված, արդյունավետ ու կայուն մեխանիզմ ձեւավորելու օգտին:
Դիվանագետը նաեւ ուղղակիորեն չի պատասխանել այն հարցին, թե Չինաստանն արդյոք կճանաչի ԼԺՆ-ն եւ ԴԺՀ-ն, նշելով միայն, որ ուկրաինական հարցը բարդ պատմություն ունի, եւ հույս հայտնելով, որ կողմերը տարաձայնությունները կկարգավորեն բանակցությունների ճանապարհով:
«Ուկրաինան, անկասկած, ինքնիշխան պետություն Է, Չինաստանի դիրքորոշումն ուկրաինական հարցի նկատմամբ հստակ Է եւ հետեւողական, այն չի փոխվել»,-հայտարարել Է նա, պատասխանելով այն հարցին, թե Պեկինը մինչեւ հիմա Ուկրաինան համարում Է արդյոք ինքնիշխան պետություն։
--00--ՄՀ