Դիմադրության շարժումը համազգային շարժման վերածելու նպատակով «Հայաստան» խմբակցությունը մարզ է այցելել

ԵՐԵՎԱՆ, ՄԱՐՏԻ 13, 24News

1

«Հայաստան» խմբակցության ղեկավար Սեյրան Օհանյանը ֆեյսբուքյան էջում լուսանկարներ է հրապարակել և կից գրառում արել՝ տեղեկացնելով, որ դիմադրության շարժման շրջանակում մարզային հերթական հանդիպումներն են կազմակերպվել: 

«Մարտի 12-ին «Հայաստան» խմբակցության պատգամավորներ Գեղամ Մանուկյանի և Ասպրամ Կրպեյանի հետ Վայոց ձորի մարզում հանդիպումներ ենք ունեցել Վայք, Եղեգնաձոր համայնքների, իսկ պատգամավորներ Աշոտ Սիմոնյանը, Թադևոս Ավետիսյանը և ՀՅԴ Հայաստանի ԳՄ անդամ Տարոն Տոնոյանը՝ Աշտարակ համայնքի բնակիչների հետ։

Եղեգնաձոր քաղաքում մեզ սպասում էին «Հայաստան» դաշինքի համակիրները։ Նրանք ոչ միայն բարձրաձայնեցին իրենց մտահոգությունները՝ Արցախի և Հայաստանի դեմ ուղղված արտաքին մարտահրավերների, և հատկապես վերջին օրերին Արցախում ստեղծված գերլարված իրադրության վերաբերյալ, այլև ակնկալելով մեր գործուն աջակցությունը՝ ներկայացրին բազմաթիվ սոցիալական, տնտեսական, ժողովրդագրական խնդիրներ, որոնց լուծումը բացառապես ներքին քաղաքականության տիրույթում է, և պետության ռեսուրսները համակարգված օգտագործելով՝ հնարավոր է բարեփոխումներ իրականացնել դրանց ուղղությամբ։

Հանդիպումների օրակարգում առանցքային նշանակություն ուներ նաև «Հայաստան» դաշինքի կողմից ձևավորվող Դիմադրության շարժումը համազգային-համահայկական շարժման վերածելու՝ Հայաստանի բոլոր մարզերում, համայնքներում ու բնակավայրերում Դիմադրության շարժմանը զարկ տալու խնդիրը։

Պատասխանելով մեր հայրենակիցների հարցերին՝ համառոտ ներկայացրել ենք Շարժման նպատակներն ու ճանապարհային քարտեզը»։

--00—ԼՄ