ԵՐԵՎԱՆ, ՄԱՐՏԻ 21, 24News
ԱԺ արտաքին հարաբերությունների հանձնաժողովի նիստին «Հայաստան» խմբակցության պատգամավոր Գեղամ Նազարյանը հարց ուղղեց ԱԳ նախարար Արարատ Միրզոյանին՝ փորձելով ճշտել՝ իշխանությունը համաձա՞յն է Ադրբեջանի առաջարկած 5 նախապայմաններին, և մենք արդյոք չունե՞նք նախապայման Ադրբեջանին։
«Մեր ընկալումն այն է, որ, ըստ էության, մարտի 10-ին մեզ փոխանցված ադրբեջանական առաջարկներում մեծ հաշվով անընդունելի ոչինչ չկա (սա, կարծում եմ, պետք է փոխկապակցված ընկալել), այլ բան, որ այդ հարցերը, այդ առաջարկներն ամբողջապես չեն հասցեագրում Հայաստան-Ադրբեջան համապարփակ խաղաղության օրակարգը, և ահա մեր պատասխանները եկել են լրացնելու, ամբողջացնելու այս օրակարգը»,-ասել է Արարատ Միրզոյանը, ապա հավելել․ «Մեր պատասխաններում առանցքային և սկզբունքային ենք համարում ԼՂ հայության իրավունքները և ԼՂ կարգավիճակի հարցի հասցեագրումը․ ահա այս ամբողջական հենքի վրա մենք պատրաստ ենք սկսել բանակցություններ, և հենց այս առաջարկով էլ մենք դիմել ենք ԵԱՀՄ ՄԽ համանախագահությանը՝ կազմակերպելու խաղաղության պայմանագրի շուրջ բանակցություններ՝ հիմք ընդունելով ՄԱԿ կանոնադրությունը, քաղաքական և քաղաքացիական իրավունքների միջազգային դաշնագիրը և Հելսինկյան եզրափակիչ ակտը»,-ասել է նա։
--00—ԼՄ