Կհեռանամ, կաշխատեմ որպես լրագրող, եթե իմ ժողովուրդը որոշի հեռացնել ինձ․ Փաշինյանը՝ RTS-ին

ԵՐԵՎԱՆ, ՓԵՏՐՎԱՐԻ 7, 24News

Thumbnail

ՀՀ վարչապետ Նիկոլ Փաշինյանը հարցազրույց է տվել շվեյցարական RTS հեռուստառադիոընկերությանը՝ անդրադառնալով հեղափոխությանը և իր՝ վարչապետ դառնալուն։ 

«Ես նույն մարդն եմ, ունեմ նույն առաքելությունը, ինչ 1 տարի առաջ, 2 տարի առաջ, 10 տարի առաջ»,-ասել է Փաշինյանը։ Ըստ վարչապետի՝  հեղափոխության իմաստն այն է, որ ՀՀ քաղաքացին միշտ հնարավորություն ունենա կառավարություն ընտրելու և կառավարությունը փոխելու:

«Իմ ներկա դերն ընկալում եմ որպես աշխատող, որին վարձել է ժողովուրդը որոշակի գործ անելու համար: Կշարունակեմ իմ առաքելությունն այնքան ժամանակ, որքան ժողովուրդը գոհ լինի իմ աշխատանքից: Իսկ երբ իմ ժողովուրդը որոշի ինձ հեռացնել այդ պաշտոնից, ես կհեռանամ, գուցե կաշխատեմ որպես լրագրող, գուցե նոր գրքեր կգրեմ»,-ասել է Փաշինյանը։                                                                                                                                                                                                  Վարչապետի անգլերեն հարցազրույցը կարող եք դիտել հետևյալ հղումով: