ԵՐԵՎԱՆ, ՓԵՏՐՎԱՐ 14, 24News
Երևանի քաղաքապետարանի «Լույս» խմբակցության ավագանու անդամ Թեհմինա Վարդանյանը ֆեյսբուքյան իր էջում ուղիղ տեսակապի միջոցով խոսել է Երևանի թիվ 12 պոլիկլինիկայում ստեղծված վիճակի մասին։
Հիշեցնենք, որ պոլիկլինիկայի աշխատակիցները պահանջում են տնօրենին չազատել աշխատանքից։
«Ես եկել եմ պոլիկլինիկա՝ բազմաթիվ աշխատակիցների հրավերով: Աշխատակիցները կասկածում են՝ տնօրենին ստիպել են, որ դիմում գրի և հեռանա: Նա տնօրինում է արդեն 22 տարի, և բոլոր աշխատակիցները, իմ տպավորությամբ, սիրում են տնօրենին, լսում և պաշտպանում:
Այս պահին ահռելի քանակությամբ աշխատակիցներ են հավաքվել, մի մասը լացում է»,-տեսակապի միջոցով ասել է Թեհմինա Վարդանյանը։
Ավագանու անդամը խնդրում է Երևանի քաղաքապետ Հայկ Մարությանին զբաղվել այս խնդրով, պատասխանատուներին տալ համապատասխան հանձնարարություններ։
«Պոլիկլինիկայի աշխատակիցները պատրաստվում են հաջորդ բողոքի ակցիան անցկացնել քաղաքապետարանի դիմաց»,- հայտնել է Թեհմինա Վարդանյանը։