ԵՐԵՎԱՆ, ՓԵՏՐՎԱՐԻ 15, 24News
ԱՀ Մարդու իրավունքների պաշտպան Արտակ Բեգլարյանի հրամանով՝ Արսեն Սառաջյանը փետրվարի 13-ին նշանակվել է ԱՀ ՄԻՊ աշխատակազմի դեպարտամենտի ղեկավար։ Ներկայացնենք Արսեն Սառաջյանի կենսագրականը։
Արսեն Սառաջյանը մասնագիտությամբ իրավաբան է: 2009 թ. ավարտել է Արցախի պետական համալսարանի տնտեսաիրավաբանական ֆակուլտետի բակալավրիատը: 2011 թ. ստացել է Արցախի պետական համալսարանի նույն ֆակուլտետի մագիստրոսի աստիճան: Այնուհետև 2013 թ. ավարտել է ՀՀ պետական կառավարման ակադեմիան:
Նա 2009 թ.-ից աշխատել է ԱՀ կառավարության աշխատակազմի իրավաբանական վարչությունում, 2013-2017 թթ.-ը` ԱՀ կառավարության աշխատակազմի վարչապետի վերահսկողական ծառայությունում, իսկ 2017 թ.-ին նշանակվել է ԱՀ պետական նախարարի աշխատակազմի տարածքային վարչության պետի տեղակալ: