ԵՐԵՎԱՆ, ՄԱՅԻՍԻ 19, 24News
Համաշխարհային պարենային ճգնաժամը լուծելու համար անհրաժեշտ է ուշադրություն դարձնել դրա առաջացման պատճառներին և չեղարկել ԱՄՆ-ի և Եվրամիության (ԵՄ) կողմից Ռուսաստանի դեմ սահմանված պատժամիջոցները։
Այս մասին հայտարարել է ՌԴ փոխարտգործնախարար Անդրեյ Ռուդենկոն՝ ի պատասխան ՄԱԿ-ի Պարենի համաշխարհային ծրագրի (ՊՀԾ) ղեկավար Դեյվիդ Բիզլիի՝ Մոսկվային ուղղված կոչին՝ բացելու մուտքը դեպի ուկրաինական նավահանգիստներ, փոխանցում է ՏԱՍՍ-ը։
Անդրադառնալով ստեղծված ճգնաժամի առաջացման պատճառներին, Ռուդենկոն նշել է․
«Առաջին հերթին դրանք Ռուսաստանի դեմ ԱՄՆ-ի և Եվրամիության կողմից կիրառվող պատժամիջոցներն են, որոնք խանգարում են պարենային ապրանքների, այդ թվում՝ ցորենի, պարարտանյութերի և այլ ապրանքների բնականոն ազատ առևտրին»։
--00--ԱԱ