ԵՐԵՎԱՆ, ՓԵՏՐՎԱՐԻ 14, 24News
Հայաստանում գյուղատնտեսական ապահովագրության ներդրման ծրագրի իրականացման համար խորհրդատվական ընկերությունը գյուղատնտեսական ապահովագրության վնասի գնահատման մասնագետների ուսուցման և սերտիֆիկացման դասընթացներ կիրականացնի: Այդ մասին տեղեկացնում է գյուղատնտեսության նախարարության մամուլի ծառայությունը։
Վերապատրաստման ծրագիրը ներառում է վնաս գնահատողների կրթության և վերապատրաստման տեսական և գործնական դասընթացներ, ինչպես նաև մատուցում է ծառայություններ ապահովագրական ընկերություններին «կարկուտ» կամ «գարնանային ցրտահարում» ռիսկերի ազդեցության հետևանքով ծիրանի այգիների և խաղողի այգիների վնասների դեպքում:
Տեսական դասընթացը կանցկացվի 2019 թ. փետրվարի 25-ից 27-ը, Հայաստանի ազգային ագրարային համալսարանի շենքում՝ Տերյան 74 հասցեում: