ԵՐԵՎԱՆ, ՄԱՅԻՍԻ 21, 24News
Մայիսի 17-ին ՀՀ դեսպան Աշոտ Հովակիմյանին ընդունեց Չեխիայի խորհրդարանի Սենատի նախագահ Միլոշ Վիստրչիլը։
Այս մասին հայտնում են Պրահայում ՀՀ դեսպանությունից:
Դեսպանը Սենատի նախագահին մանրամասն ներկայացրեց տարածաշրջանում վերջին զարգացումները, դրանց հետևանքները և առկա մարտահրավերները։
Մայիսի 19-ին ՀՀ դեսպան Աշոտ Հովակիմյանին հյուրընկալեցին Չեխիայի Ազգային գրադարանի գլխավոր տնօրեն Տոմաշ Ֆոլտինը և գլխավոր տնօրենի՝ գիտության, հետազոտության և միջազգային համագործակցության հարցերով տեղակալ Ադոլֆ Կնոլլը։
Զրուցակիցներն անդրադարձան Չեխիայի և Հայաստանի ազգային գրադարանների միջև համագործակցության հարուստ փորձին և քննարկեցին հետագա գործակցության ու համատեղ նախաձեռնությունների հեռանկարները:
--00—ԼՄ