ԵՐԵՎԱՆ, ՓԵՏՐՎԱՐԻ 15, 24News
Կառավարության նիստի ժամանակ վարչապետ Նիկոլ Փաշինյանը հանձարարել է իրագործել և զարգացնել մսի, կենդանի գլխաքանակի արտահանման մեխանիզմները։
Նիկոլ Փաշինյանը հիշեցրել է, որ անցյալ տարի հավաստիացում էին ստացել, որ Հայաստանն ունի մանր եղջերավոր ու գառան և ոչխարի մսի արտահանման հսկայական պոտենցիալ։
«Սա կարևոր թեմա է ու պետք է քննարկվի այս ուղղությունը վարկավորելու հնարավորությունը։ Մենք պետք է քաջալերենք մեր գյուղացիներին՝ զարգացնելու ոչխարաբուծությունը», - ասել է Փաշինյանը։
Փաշինյանը կառավարության աշխատակազմի ղեկավար Էդուարդ Աղաջանյանին հանձնարարել է ամեն ուրբաթ հավաքել ու տեղեկատվություն ներկայացնել իր տված հանձնարարականների վերաբերյալ։