Քննչական կոմիտեն փնտրում է Երևանում ժամացույցների խանութ-սրահից գողություն կատարած անձին

ԵՐԵՎԱՆ, ՓԵՏՐՎԱՐԻ 18, 24News

ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում քննվող քրեական գործով միջոցներ են ձեռնարկվում՝ պարզելու ժամացույցների խանութ-սրահից առերևույթ գողություն կատարած անձանց ինքնությունը։ Այս մասին հայտնում է քննչական կոմիտեն:

Ըստ նախնական տվյալների՝ 2018 թ. դեկտեմբերի 23-ին՝ ժամը 19:10-ի սահմանում, Երևանի Բաղրամյան փողոցում գործող խանութ-սրահից ենթադրյալ հանցագործություն կատարած անձինք հափշտակել են «Fossil» ապրանքանիշի 2 ժամացույց՝ պատճառելով զգալի չափերի գույքային վնաս:

Դեպքի առթիվ ՀՀ ոստիկանության Արաբկիրի բաժնում հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասով, որով նախաքննությունն իրականացվում է ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում:

Նախաքննության ընթացքում ստացվել է խանութ-սրահում տեղադրված տեսախցիկների տեսագրությունը, ենթարկվել զննության:

Քրեական գործով բազմակողմանի, օբյեկտիվ և լրիվ քննությունն ապահովելու նպատակով միջոցներ են ձեռնարկվում՝ տեսապատկերված անձանց հայտնաբերելու ուղղությամբ։

ՔԿ-ից խնդրում են նշված անձանց ներկայանալ վարույթն իրականացնող մարմին, կամ ովքեր ճանաչում են նրանց, որևէ տեղեկություն ունեն նրանց ինքնության կամ գտնվելու վայրի մասին, հայտնել ՀՀ ՔԿ ԵՔՔՎ Արաբկիր վարչական շրջանի քննչական բաժին:

 

Տեսանյութեր

Live

Լրահոս