ԵՐԵՎԱՆ, ՀՈԻՆԻՍԻ 27, 24News
Աշոտ Խաչատուրյանցը հեռացավ Ռուսաստանի Պրեմիեր լիգայի նախագահի պաշտոնից։ Հրաժարականի մասին նա հայտարարել է այժմ ընթացող Պրեմիեր լիգայի ակումբների ժողողովում, հաղորդում է Sports.ru-ն։
Պաշտոնը ժամանակավորապես կզբաղեցնի Ռուսաստանի ֆուտբոլային միության գլխավոր քարտուղար, Ֆուտբոլի ազգային լիգայի (առաջին դիվիզիոն) նախագահ Ալեքսանդր Ալաեւը։
54-ամյա մասնագետը 2019թ․ նոյեմբերին նշանակվել էր Ռուսաստանի ֆուտբոլային միության մրցավարական կոմիտեի ղեկավար։ 2021թ․ հոկտեմբերին ռուսական Պրեմիեր լիգայի նախագահի պաշտոնում Աշոտ Խաչատուրյանցը փոխարինել էր Սերգեյ Պրյադկինին։
Ռուսաստանի առաջնությունը կմեկնարկի հուլիսի 15-ին։
Հիշեցնենք, որ Աշոտ Խաչատուրյանցը Ռուսաստանի Պրեմիեր լիգայի ղեկավար էր նշանակվել 2021 թվականի աշնանը։
Մայիսին լուր էր տարածվել, որ Աշոտ Խաչատուրյանցը կարող է հեռանալ Ռուսաստանի Պրեմիեր լիգայի նախագահի պաշտոնից, բայց նա ասել էր, որ իր հեռանալու հարցը չի եղել լիգայի ընդհանուր ժողովի օրակարգում, որը տեղի է ունեցել մայիսի վերջին:
--00—ՀԶ