Ինքնասպանություն՝ Ավան Առինջում. բարձրահարկի բակում հայտնաբերվել է 32-ամյա տղամարդու դի

ԵՐԵՎԱՆ, ՀՈՒLԻՍԻ 3, 24News

նկար

Հայաստանի քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում ավագ քննիչ Սարիբեկյանի կողմից նախաձեռնվել է քրեական վարույթ հուլիսի 1-ին Երևանում տեղի ունեցած ինքնասպանություն կամ ինքնասպանության փորձ հատկանիշով, գրում է shamshyan.com-ը:

Ըստ աղբյուրի՝ այդ օրը՝ ժամը 05:50-ի սահմանում, շտապօգնության 5-րդ ենթակայանից ոստիկանության Նոր Նորքի բաժին ահազանգ է ստացվել, որ բժիշկների հերթապահ խումբը կանչով մեկնել է Ավան Առինջ շենքերից մեկը, որտեղ բակում հայտնաբերել են տղամարդու դի:

Ոստիկաններն ու քննիչները պարզել են, որ մահացածը նշված շենքի բնակիչ, 32-ամյա Ցոլակ Ա.-ն էր, նա ինքնասպանություն էր գործել շենքի 7-րդ հարկի շքամուտքից ցած նետվելով:

Դեպքի փաստով քննիչի կողմից նշանակվել է դատաբժշկական փորձաքննություն: 

--00—ԼՄ

Տեսանյութեր