ԵՄ-ն նոր պատժամիջոցներ է սահմանել Յանուկովիչի և նրա որդու դեմ

ԵՐԵՎԱՆ, Օգոստոսի 5, 24News

GettyImages-469340869-714x448.jpg

ԵՄ-ն նոր պատժամիջոցներ է սահմանել Ուկրաինայի նախկին նախագահ Վիկտոր Յանուկովիչի և նրա որդու՝ գործարար Ալեքսանդր Յանուկովիչի դեմ, գրում է «Ազատութունը»։

Նրանց անունները հայտնվել են ԵՄ պաշտոնական ամսագրում, ինչը նշանակում է, որ պատժամիջոցներն արդեն ուժի մեջ են մտել։

Ըստ որոշման, Ուկրաինայի նախկին նախագահը և նրա որդին ցուցակում են հայտնվել Ուկրաինայի տարածքային ամբողջականության, ինքնիշխանության և անկախության, պետության կայունության և անվտանգության խաթարման գործում ունեցած դերի համար։

«Ուկրաինական դատարանը Վիկտոր Յանուկովիչին մեղավոր է համարում պետական դավաճանության մեջ։ Նրա հեռացումից հետո նա տեղափոխվել է Ռուսաստան, որտեղից շարունակել է Ուկրաինան ապակայունացնելու իր գործողությունները»,– ասված է որոշման պատճառների նկարագրության մեջ։

Յանուկովիչը և նրա կառավարության մի շարք անդամներ առաջին անգամ հայտնվել են ԵՄ պատժամիջոցների ցուցակում 2014 թվականին՝ հեղափոխությունից հետո Ուկրաինայում հարուցված քրեական գործի հիման վրա։

--00--ԶՀ