ԵՐԵՎԱՆ, ՓԵՏՐՎԱՐԻ 23, 24News
«ՏԱՍՍ» լրատվական գործակալությունը հայտնում է, որ Ռուսաստանի նախագահ Վլադիմիր Պուտինը համոզված է, որ ռուսական սպառազինություններն աշխարհում չունեն իրենց համարժեքները և անգերազանցելի են։ Նա ասել է, որ առաջնահերթ խնդիրը ռուսական զինված ուժերի զինանոցի լիարժեք համալրումն է։
«Մեր հեռանկարային սպառազինությունները աշխարհում իրենց համարժեքները չունեն։ Գոնե առայժմ չունեն և կարծում եմ, որ դեռ երկար ժամանակ չեն ունենա»,- ասել է Ռուսաստանի նախագահը՝ հավելելով, որ Ռուսաստանը կշարունակի զարգացնել իր ռազմական պոտենցիալը, երկրի անվտանգությունը լիարժեքորեն ապահովելու համար։