Պետդեպը՝ Միրզոյան-Բայրամով ևս մեկ անգամ հանդիպելու հավանականության մասին

ԵՐԵՎԱՆ, ՍԵՊՏԵՄԲԵՐԻ 27, 24News

․

ԱՄՆ պետքարտուղարության խոսնակ Նեդ Փրայսը ճեպազրույցի ընթացքում անդրադարձել է նախորդ շաբաթ ԱՄՆ պետքարտուղար Էնթոնի Բլինկենի՝ Հայաստանի և Ադրբեջանի ԱԳ նախարարների հետ հանդիպմանը և մինչև ամսվա վերջ ևս մեկ անգամ հանդիպելու նրա կոչին:

Պատասխանելով հարցին՝ արդյոք Պետքարտուղարությունն ունի ընտրված վայր և ամսաթիվ, Փրայսը նշել է․

«Դա պետք է որոշեն երկու երկրները, բայց մենք կարծում ենք, որ Հայաստանի և Ադրբեջանի միջև անմիջականորեն շարունակվող ներգրավվածությունը ոչ միայն բխում է նրանց շահերից, այլև տարածաշրջանի և դրանից դուրս շահերից: Մենք առաջարկել ենք օգնել երկկողմանի, եռակողմ, բազմակողմ (ձևաչափերով), և իհարկե ԵՄ-ն նույնպես կարևոր դեր է խաղում։ Մենք կանոնավոր կապի մեջ ենք ինչպես հայ, այնպես էլ ադրբեջանցի պաշտոնյաների հետ։ Դա կշարունակվի»,- եզրափակել է Փրայսը:

--00--ԱՀ