ԵՐԵՎԱՆ, ՍԵՊՏԵՄԲԵՐԻ 27, 24News
Ազգային անվտանգության ծառայության շենքի մոտ՝ անցագրային կետի և Սայաթ Նովա 27 շենքի բակային հատվածում, փաստաբան Գայանե Պապոյանի հետ տեղի ունեցած միջադեպը նրա մասնագիտական գործունեության հետ որևէ առնչություն չունի: Այս մասին հայտնում է ՀՀ փաստաբանների պալատի մամուլի խոսնակ Սիլվի Տիգրանյանը։
«Մենք անմիջապես զրուցել ենք նրա հետ և տեղեկացել կատարվածի մասին: Բարեբախտաբար մեր գործընկերոջ մոտ ամեն բան կարգին է: Մնացյալ հանգամանքները պարզելու ուղղությամբ իրավապահների կողմից աշխատանքներ են տարվում»,- գրել է Տիգրանյանը:
--00—ԻԴ