ԵՐԵՎԱՆ, ՆՈՅԵՄԲԵՐԻ 18, 24News
Նոյեմբերի 18-ին ժամը 07:30-ին Արցախի արտակարգ իրավիճակների պետական ծառայության Մարտակերտի շրջանային բաժնի ահազանգման կենտրոնում հաղորդում է ստացվել, որ Մարտակերտ քաղաքի Նալբանդյան 10 հասցեում հրդեհ է բռնկվել:
Այդ մասին հայտնում է Արցախի ՆԳՆ Արտակարգ իրավիճակների պետական ծառայությունը։ Տեղեկատվության համաձայն՝ բնակչությանը համապատասխան օգնություն ցուցաբերելու և շիջման աշխատանքներ կատարելու նպատակով ժամը 07:31-ին կանչի վայր է մեկնել հրշեջ փրկարարական մեկ մարտական հավարկ:
«Հրշեջ փրկարարները կրակը մեկուսացրել են ժամը 07:50-ին, մարել՝ 08:55-ին:
Նախնական տվյալներով էլեկտրալարերի կարճ միացումից հրդեհ է բռնկվել բնակելի երկհարկանի առանձնատան առաջին հարկում: Մասնակի այրվել է Մարտակերտ քաղաքի բնակչի կողմից վարձակալած բնակելի տան առաջին հարկի մուտքի առաստաղը:
Ստուգմամբ զբաղվում է ծառայության պետական հրդեհային և տեխնիկական անվտանգության տեսչությունը»,-ասված է ԱԻ տարածած հաղորդագրության մեջ:
--00—ԻԴ