ՀՀ-ն կարևորում է Ֆինլանդիայի հետ բարեկամության և հարգանքի վրա հիմնված հարաբերությունների զարգացումը

ԵՐԵՎԱՆ, ԴԵԿՏԵՄԲԵՐԻ 6, 24News

300970442_410987581132396_5189760855104015482_n-1.jpg

Հանրապետության նախագահ Վահագն Խաչատուրյանը շնորհավորական ուղերձ է հղել Ֆինլանդիայի Հանրապետության նախագահ Սաուլի Նիինիստյոյին՝ Ֆինլանդիայի Անկախության օրվա կապակցությամբ։

Ուղերձում ասվում է.

«Հայաստանը կարևորում է Ֆինլանդիայի հետ բարեկամության և փոխադարձ հարգանքի վրա հիմնված հարաբերությունների հետագա զարգացումը երկուստեք հետաքրքրություն ներկայացնող ոլորտներում։

Այս տարի լրացել է Հայաստանի և Ֆինլանդիայի միջև դիվանագիտական հարաբերությունների հաստատման 30-ամյակը, որը համատեղ ձեռքբերումներն արժևորելու և համագործակցության նոր հեռանկարներ ուրվագծելու համար կարևոր հանգրվան է։

Լիահույս եմ, որ համատեղ ջանքերով կամրապնդենք և կընդլայնենք գործակցությունն ինչպես երկկողմ, այնպես էլ բազմակողմ հարթակներում։

Մաղթում եմ Ձեզ քաջառողջություն և հաջողություն, իսկ Ֆինլանդիայի բարեկամ ժողովրդին՝ խաղաղություն և բարօրություն»:

--00--ԶՀ