Հունվարի 17-ին Մոսկվայում կհանդիպեն Ռուսաստանի և Իրանի ԱԳ նախարարները

ԵՐԵՎԱՆ, ՀՈՒՆՎԱՐԻ 12, 24News

02220000-0aff-0242-9468-08da067365ce_w1080_h608_s

Հունվարի 17-ին Մոսկվայում նախատեսվում է Ռուսաստանի և Իրանի արտաքին գերատեսչությունների ղեկավարներ Սերգեյ Լավրովի և Հոսեյն Ամիր Աբդոլահիանի հանդիպումը: Այս մասին հայտնել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան:

Զախարովան նշել է, որ հանդիպման ընթացքում կքննարկվեն Իրանի միջուկային գործարքի վերականգնման թեման, երկկողմ հարաբերությունները և միջազգային իրադարձությունները:

Լավրովը և Աբդոլահիանը, մասնավորապես, կանդրադառնան մի շարք միջազգային կառույցներում, այդ թվում՝ ՄԱԿ-ում և Շանհայան համագործակցության կազմակերպությունում երկու երկրների համագործակցությունը:

Բացի այդ, երկու նախարարները կքննարկեն իրավիճակն Աֆղանստանում, Սիրիայում և Անդրկովկասում:

--00—ՅՄ