ԵՐԵՎԱՆ, ՀՈՒՆՎԱՐԻ 18, 24News
Դեկտեմբերի սկզբին հայկական կողմին էին փոխանցվել խաղաղության պայմանագրի մասով ադրբեջանական առաջարկները, մինչև այս պահը ի՞նչ արձագանք ունենք այս ուղղությամբ: ԱԺ-կառավարություն հարցուպատասխանի ժամանակ ՔՊ-ական պատգամավորի հարցին պատասխանեց ՀՀ արտաքին գերատեսչության ղեկավար Արարատ Միրզոյանը՝ հիշեցնելով, որ դրանից հետո տեղի է ունեցել Լաչինի միջանցքի ապօրինի փակում, և դրա պատճառով հայկական կողմը որոշել էր չմասնակցել Մոսկվայում նախատեսված եռակողմ հանդիպմանը, որի ժամանակ պիտի շարունակեին խաղաղության պայմանագրի նախագծի քննարկումները:
Միրզոյանը նաև տեղեկացրեց, որ, այդուամենայնիվ, հայկական կողմն իր խմբագրական առաջարկներն է ներկայացրել ադրբեջանական կողմին, և մեկ ամիս է, ինչ սպասում է արձագանքին:
«Կրկնում եմ՝ մենք մեր առաջարկները ներկայացրել ենք, և, ահա, ադրբեջանական կողմի առաջարկները պետք է լինեն, որ մինչև այժմ չկան:
Սա ասում եմ, որ, անկախ հանդիպումների հանգամանքից, գոնե մինչ այս պահն ադրբեջանական կողմն է դադարեցրել բուն խաղաղության պայմանագրի տեքստի քննարկումները, և զուգահեռաբար տեսնում ենք սադրիչ գործողություններ Լաչինի միջանցքում և նոյեմբերի 9-ի եռակողմ հայտարարության դրույթների խախտումներ ադրբեջանական կողմից»,-ասաց Միրզոյանը:
Մանրամասները՝ տեսանյութում:
--00—ԼՄ