ԵՐԵՎԱՆ, ՀՈՒՆՎԱՐԻ 27, 24News
Վալերի Բրյուսովի անվան պետական համալսարանի ռեկտորի՝ լիազորությունները կասեցված գլխավոր խորհրդական, ՀՀ կրթության, գիտության, մշակույթի և սպորտի նախկին փոխնախարար Գրիշա Թամրազյանը դատի է տվել Հանրային հեռուստաընկերությանը։
Այս մասին տեղեկանում ենք «Դատալեքս» տեղեկատվական համակարգից։ Գործը հունվարի 17-ին ընդունվել է վարույթ, դատավորն է Էդուարդ Ամալյանը։ Թամրազյանը Հ1-ից պահանջում է հրապարակայնորեն հերքել զրպարտություն համարվող տվյալները։
24News-ի տեղեկություններով, Թամրազյանը դատի է տվել ԲՊՀ-ում ռեկտորի ընտրությունների (09․12․2022) վերաբերյալ Հ1-ի պատրաստած՝ «Վ. Բրյուսովի անվան պետական համալսարանի ռեկտորի խորհրդականը հայհոյում է. վերընտրված ռեկտորի արձագանքը» վերնագրով ռեպորտաժի համար։ Պատրաստված ռեպորտաժում ներկայացվել է, թե «ռեկտորի խորհրդական Գրիշա Թամրազյանը հայհոյում էր նախարար Վահրամ Դումանյանին»։
Սերգեյ Առաքելյան
--00—ԱՊ