ԵՐԵՎԱՆ, ՓԵՏՐՎԱՐԻ 6, 24News
ՀՀ արտակարգ իրավիճակների նախարար Արմեն Փամբուխչյանը ֆեյսբուքյան իր էջում հայտնում է․
«Այսօր՝ փետրվարի 6-ին, Արտակարգ իրավիճակների նախարարությունում իմ գլխավորությամբ տեղի է ունեցել խորհրդակցություն: Մասնակցել են նախարարի տեղակալներն ու բոլոր ստորաբաժանումների ղեկավարները:
Զեկուցվել է Ներքին գործերի նախարարության կազմավորմանն ուղղված աշխատանքների ընթացքը»:
Նրա հաղորդմամբ՝ նախարարի տեղակալ Արա Նազարյանը, գլխավոր քարտուղար Լիլիթ Միրզախանյանը և ԱՌԿ քաղաքականության մշակման վարչության պետ Արմեն Կարապետյանը տեղեկացրել են, որ նոր ձևավորվող կառույցի գործընկերների հետ մշտապես կապի մեջ են՝ համատեղ մշակում են ՆԳՆ ռազմավարությունը և կանոնադրության նախագիծը:
«Խորհրդակցության ավարտին մի շարք աշխատակիցներ իմ հրամանով խրախուսվել են: Նրանք պարգևատրվել են «Կանխարգելում, Օգնություն, Փրկություն», «Համագործակցություն հանուն փրկության», «Անվեհեր փրկարար», «ԱԻՆ պատվավոր աշխատակից» մեդալներով, ձեռքի ժամացույցներով, նաև տարբեր անվանակարգերում լավագույնի վկայագրերով»,- հավելել է ԱԻՆ ղեկավարը:
--00—ՍՊ