Մոսկվայում ՌԴ-ն կտրուկ հարց կդնի ՀՀ-ի առջև՝ որոշելու, որ ուղղությամբ է առաջ շարժվելու. վերլուծաբան

ԵՐԵՎԱՆ, ՄԱՐՏԻ 20, 24News

Մոսկվայում հիմնականում կքննարկվի ոչ թե Լաչինի միջանցքի, այլ Սյունիքով անցնող ճանապարհի հետ կապված հարցը, հանդիպման մասին ՌԴ արտգործնախարարության տարածած նախնական հաղորդագրության մեջ գրված էր, որ կարևորվում է տարածաշրջանի կոմունիկացիաների բացման հարցը: Այս մասին 24TV-ի հաղորդման ժամանակ ասաց քաղաքական վերլուծաբան Արմեն Բաղդասարյանը:

«Ռուսաստանի, Հայաստանի և Ադրբեջանի միջև տարածաշրջանի կոմունիկացիաների բացման հարցում տարաձայնություններ կան, երեք կողմերն էլ այն տարբեր կերպ են պատկերացնում, Ադրբեջանը, հասկանալի է, թե ինչ է պատկերացնում, ՀՀ-ն ասել է իր կարծիքը, ՌԴ-ն էլ ակնկալում է, որ ՀՀ-ն այդ ճանապարհը բացի ու վերահսկողությունը կհանձնի ՌԴ հատուկ ծառայություններին»,- ավելացրեց նա:

Արմեն Բաղդասարյանի կարծիքով, Մոսկվայի այսօրվա հանդիպումից է կախված, թե ՀՀ-ն որոշելու է շարժվել դեպի Արևմուտք, թե, այնուամենայնիվ, մնում է հավատարիմ ՀԱՊԿ-ին և ՌԴ-ին: «ՀՀ-ի նկատմամբ ՌԴ-ից ու Արևմուտքից ճնշումներն ուժեղանում են, պահանջում են կողմնորոշվել՝ որ կողմում են, իրավիճակը ձգելու, մանևրելու ժամանակը սահմանափակ է:

Այս հանդիպմանը ՌԴ-ն ՀՀ-ի առջև կտրուկ հարց կդնի՝ ո՞ր ուղղությամբ է շարժվելու՝ ՌԴ-ի, թե Արևմուտքի, պարզ չէ, ՀՀ-ն կտրուկ կմերժի այդ առաջարկը, թե նոր էսկալացիայի մեծ հավանականությունը հաշվի առնելով՝ իր մանևրելու քաղաքականությունը մի կողմ կդնի»,- ավելացրեց նա:

Մանրամասները՝ տեսանյութում:

Հերմինե Միքայելյան

--00—ԱՊ