«Հրապարակ». Ռոբերտ Քոչարյանը մեկնել է Գերմանիա

ԵՐԵՎԱՆ, ՄԱՐՏԻ 25, 24News
 

image_750x_641e1a6e61357.jpg

«Հրապարակը» գրում է․ «ՀՀ երկրորդ նախագահ Ռոբերտ Քոչարյանը մեկնել է Գերմանիա, այցի ժամկետների մասին հակասական տեղեկություններ կան: Թիմակիցներից ոմանք վստահեցնում են, որ մեկ շաբաթ առաջ է մեկնել, ոմանք ասում են` ավելի վաղ։ Գերմանիա մեկնելու պաշտոնական բացատրությունը բուժումն է, սակայն մերձավորները վստահեցնում են, որ լուրջ խնդիրներ չունի։ Բայց որոշել է 2 ամիս մնալ արտերկրում` հավանաբար, «հոգնել» է քաղաքական պայքարից: Մենք փորձեցինք պաշտոնական տեղեկատվություն ստանալ, սակայն նրա գրասենյակի նորանշանակ ղեկավար Բագրատ Միկոյանն անպատասխան թողեց մեր զանգերը։

Նշենք, որ դատաքննությունը, որին մասնակցում է նաեւ Ռոբերտ Քոչարյանը, թեեւ, ըստ էության, սպառված է եւ մտել է փակուղի, բայց երկարատեւ ընդմիջումներով դեռ շարունակվում է: Վերջին նիստը կայացել է մարտի սկզբին, սակայն հունվարի 31-ից հետո Քոչարյանը ոչ մի նիստի չի մասնակցել` առողջական խնդիրների պատճառաբանությամբ: Հաջորդ նիստը նշանակված է ապրիլի 18-ին»։

Նյութն ամբողջությամբ կարդացեք թերթի այսօրվա համարում։

--00—ԶՀ