ԵՐԵՎԱՆ, ՄԱՐՏԻ 30, 24News
ՀՀ իշխանությունը ադրբեջանցիներին ասել է՝ կարող եք գալ ու նստել Տեղ գյուղը շրջանցող հատվածում, այն դեպքում, երբ նոր ճանապարհը դեռ չեն կառուցել: Արդյունքում, եթե Ստեփանակերտ-Գորիս ճանապարհը բացվի էլ, մեր հայրենակիցները դեպի Արցախ երթևեկելու են գրունտային, խայտառակ վատ ճանապարհով, որովհետև Կոռնիձոր-Տեղ հատվածը, որը գարնանը պետք է գործարկվեր, դեռ պատրաստ չէ: Այս մասին 24News-ի հետ զրույցում ասաց ԱԺ «Հայաստան» խմբակցության պատգամավոր Գեղամ Մանուկյանը:
«Նույն կերպ վարվեցին 2020-ին, Գորիս-Կապան ճանապարհին թույլ տվեցին, որ ադրբեջանցիները գան, հաստատվեն այդ 20 կմ մասում: ՀՀ պաշտոնյաները վստահեցնում էին, որ Կոռնիձոր-Տեղ հատվածը մինչև գարուն կավարտվի, որը ռազմավարական նշանակություն ունի, ու քանի որ ադրբեջանցիներին նախապես խոստացել են, նրանք ապրիլի մեկից եկել այդ հատվածը տնօրինում են»,-ընդգծեց նա:
Խոսելով ադրբեջանցիների կողմից վեց օր Լիսագոր-Ստեփանակերտ ճանապարհը փակ պահելու խնդրից՝ Մանուկյանը նկատեց, որ դա պատճառ է որոշ իշխանավորների լեզուն ատամների հետևում չպահելու և անզգույշ հայտարարությունների, արդյունքում եզակի դեպքերում օգտագործվող շրջանցիկ ճանապարհը Ադրբեջանի թիրախ դարձավ:
Մանրամասները՝ տեսանյութում:
Հերմինե Միքայելյան
--00—ԱՊ