ԵՐԵՎԱՆ, ԱՊՐԻԼԻ 13, 24News
Ամբողջ Տեղ գյուղն ադրբեջանցիների դիտարկման տակ է, դիրքերը երևում են անզեն աչքով։ Անվտանգային խնդիրներից բացի, գյուղում նաև սոցիալական հարցեր են առաջացել՝ 100 հեկտար վարելահող և մեծ արոտավայրեր են ադրբեջանցիները գրավել: Այս մասին 24News-ի հետ զրույցում ասաց ԱԺ «Հայաստան» խմբակցության պատգամավոր Ագնեսա Խամոյանը, ով երեկ է վերադարձել Տեղ գյուղից «Հայաստան» խմբակցության մի քանի պատգամավորների հետ:
Անդրադառնալով ադրբեջանցիների հերթական սադրանքին, որի արդյունքում 4 զոհ ունեցանք, պատգամավորը նշեց, որ դա իշխանության անհեռատեսության պատճառով է եղել, պետք է հակազդող գործողություններ իրականացվեին, որ չորս փայլուն սպա չկորցնեինք:
«Փաշինյանը երեկ սադրանքների մեղքի բաժինը փորձում էր գցել սպաների վրա, այս պահին սահմանազատման աշխատանքներ են իրականացվում, արդյոք դա զինվորականների՞ ֆունկցիան է, դրա համար էլ նման ողբերգական դեպքեր եղան»,- ավելացրեց նա:
Հարցին, թե ԱԳ նախարար Արարատ Միրզոյանը Ազգային ժողովում ասել էր, որ թույլ է տալու ծանոթանալ խաղաղության պայմանագրին, արդյոք կարողացե՞լ եք ծանոթանալ փաստաթղթին, Խամոյանը նշեց, որ ԱԳՆ-ից իրեն որևէ հրավեր չի եղել, ինչը հիմք է տալիս ենթադրելու, որ իշխանությունը ժողովրդից թաքցնում է, թե ինչ են բանակցում. «Արարատ Միրզոյանն իր խոստումը դրժեց, ինձ չեն հրավիրել ԱԳՆ ծանոթանալու բանակցային գործընթացին»:
Մանրամասները՝ տեսանյութում:
Հերմինե Միքայելյան
--00—ԱՊ