Ավտոմատացվել է կատարողական վարույթներով կատարված վճարումների մշակման գործընթացը

ԵՐԵՎԱՆ, ՀՈՒՆԻՍԻ 1, 24News

timthumb

Հարկադիր կատարումն ապահովող ծառայության Կատարողական վարույթների էլեկտրոնային կառավարման միասնական համակարգում ներդրվել է նոր ծրագրային մոդուլ, որի շնորհիվ՝ կատարողական վարույթներով կատարված վճարումների մշակման գործընթացն ամբողջ ծավալով ավտոմատացվել է և իրականացվում է 24/7 ռեժիմով։

Ներդրված նոր մոդուլի շնորհիվ կատարողական վարույթով պարտավորությունների ամբողջական կատարված լինելու դեպքում գույքային բնույթի կատարողական վարույթներով վճարումները մշակվում են ամբողջությամբ ինքնաշխատ։ Այն հնարավոր է դարձնում ամբողջությամբ ինքնաշխատ կատարել  կատարողակական վարույթով գանձված գումարի բաշխում, արգելանքններից ազատում և կարճում։

Գործընթացն ամբողջությամբ ինքնաշխատ է կատարվում նույնիսկ այն դեպքում, երբ տվյալ վճարված կատարողական վարույթը գտնվում է ավարտված վիճակում, իսկ տվյալ կատարողական վարույթը վարող հարկադիր կատարողն այլևս չի աշխատում է տվյալ բաժնում։

Համակարգն ինքնաշխատ տվյալ կատարողական վարույթը տեղափոխում է բաժնի՝ տվյալ պահին ծառայող հարկադիր կատարողի վարույթ՝ այդպիսով ապահովելով կատարողական վարույթով գանձված գումարի բաշխումը, արգելանքներից ազատումն ու կարճումը։

Նախկինում վճարահաշվարկային համակարգերի միջոցով կատարված վճարումները մշակվում էին ձեռքով՝ միայն աշխատանքային օրերին և ժամերին։

--00—ՅՄ