ԵՐԵՎԱՆ, ՄԱՐՏԻ 23, 24News
Ուժեղ հրդեհ է բռնկվել Սուդանի մայրաքաղաք Խարթումում գտնվող նախագահական պալատում:
Ինչպես հայտնում է Gazeta.ru-ն, սոցցանցերի օգտատերերը լուսանկարներ են հրապարակել, որոնցում երևում է, թե ինչպես են ծխի սև քուլաները բարձրանում Սուդանի նախագահի նստավայրերից մեկից:
Հրդեհը բռնկվել է պալատի երկրորդ հարկում կարճ միացումից: Տուժածների մասին դեռևս տեղեկություններ չկան:
Երկրի ղեկավար Օմար ալ-Բաշիրն ավելի վաղ հայտարարել էր, որ երկրում արտակարգ դրության ռեժիմ է սահմանում մեկ տարով: