ԵՐԵՎԱՆ, ԱՊՐԻԼԻ 11, 24News
Վարչապետը ստիպված է զբաղվել առօրյա խնդիրներով, ինչը նշանակում է, որ նրանից ցածր ոչ մի օղակ պետական ապարատում չի աշխատում։ Այս մասին 24TV-ի եթերում հայտարարել է ԱԺ ԼՀԿ խմբակցության քարտուղար Գևորգ Գորգիսյանը՝ մեկնաբանելով մաքսայինի աշխատակիցների ազատման հրամանին։
«Ցածր օղակների աշխատողներին աշխատանքից հեռացնելը բնավ հարցի լուծում չէ։ Այստեղ խնդիրների համար պետք է լինեն պատասխանատուներ և նրանք պատասխան տան, եթե որևէ բան այն չի արվել։ Որովհետև չի կարող վարչապետն ամեն ստորաբաժանում, գյուղ ու քաղաք գնալ ստուգումների։ Եթե վարչապետը սկսել է զբաղվել առօրյա խնդիրներով, նշանակում է նրանից ցածր ոչ մի օղակ պետական ապարատում չի աշխատում, որովհետև չի կարող մեկ մարդ զբաղվել բոլորի գործով»,- ասել է Գորգիսյանը։
Պատգամավորը վստահ է, որ մի օր քաղաքացիների հավատը դեպի Փաշինյան վերջանալու է և վերջանալու է հենց թիմի ջանքերով, իսկ խնդիր լուծումը տեսնում է ներքին օղակներում կադրային բացթողումների շտկումների միջոցով։
ԼՀԿ պատգամավորը 24TV-ի հետ զրույցում մանրամասնել է իրենց խմբակցության կողմից ներկայացված «Կառավարության կառուցվածքի և գործունեության մասին» օրենքում փոփոխության այլընտրանքային տարբերակը, դրա արդյունավետությունն ու իրենց մոտեցումները։