Նարեկ Մալյանն ապօրինաբար ազատազրկված է արդեն 159 օր. Աթանեսյան

ԵՐԵՎԱՆ, ՓԵՏՐՎԱՐԻ 27, 24News 

աթ

Փաստաբան Տիգրան Աթանեսյանը գրում է.

«Վաղը՝ փետրվարի 28-ին, ժամը 16:00-ին, Երևանի քրեական դատարանի Կենտրոնի նստավայրում դատավոր Ս.Գզոգյանի նախագահությամբ կշարունակվի քաղաքական բանտարկյալ Նարեկ Մալյանի վերաբերյալ քրեական գործի քննությունը: Օրակարգում՝ Ն.Մալյանի հարցաքննության փորձ, ապացույցների անթույլատրելիության միջնորդության մերժում, նոր ապացույցներ պահանջելու միջնորդության մերժում և այլ հնարավոր իրավախախտումներ:

Նիստը դռնբաց է, մուտքը՝ անվճար:
Հ.Գ. Եթե ավելի լուրջ, ինչն այս խայտառակ քաղաքական հետապնդման պայմաններում բավականին դժվար է, ապա հիշեցնեմ, որ Ն.Մալյանը ենթարկվում է բացահայտ ապօրինի քաղաքական հետապնդման՝ Արցախը հանձնելու համար այս իշխանություններին սուր քննադատելու համար:
Հ.Հ.Գ. Հիշեցնեմ, որ Ն.Մալյանն ապօրինաբար ազատազրկված է արդեն 159 օր»:

 --00—ԼՀ