Թայվանում երկրաշարժից տուժածների թիվը հասել է 963-ի․ նոր մանրամասներ

ԵՐԵՎԱՆ, ԱՊՐԻԼԻ 3, 24News

gg

Վերջին տվյալներով՝ Թայվանում ապրիլի 3-ի առավոտյան տեղի ունեցած երկրաշարժի հետևանքով տուժել է առնվազն 963 մարդ։ «Արմենպրես»-ի հաղորդմամբ՝ նման տվյալներ է ներկայացրել Թայվանի՝ արտակարգ իրավիճակների հետևանքների վերացման շտաբի ներկայացուցիչը։

Թարմացված տվյալների համաձայն՝ տուժածների թիվն առավել մեծ է Սինբեյ քաղաքում (248 մարդ) և Հուալյան շրջանում (176)։ Շտաբի ներկայացուցիչը նշել է, որ ևս 143 մարդ արգելափակված է փլատակներում կամ օգնության է սպասում դժվար հասանելի վայրերում: Մահացածների թիվը մնում է նույնը՝ 9 մարդ:

Թայվանի Կենտրոնական օդերևութաբանական վարչության սեյսմոլոգիական կենտրոնի նախկին ղեկավար Գո Կայվենը գտնում է, որ երկրաշարժի ուժգնությունը մոտավորապես 32 անգամ գերազանցում է 1945 թվականին ճապոնական Հիրոսիմայի վրա ամերիկացիների նետած միջուկային ռումբի հզորությունը:

--00—ՍՊ