ԵՐԵՎԱՆ, ԱՊՐԻԼԻ 22, 24News
Իշխանությունների համար յուրայիններ չկան և, եթե ինչ-որ մեկը կատարել է ոչ օրինական գործողություն, միանշանակ, ով ուզում է լինի՝ կպատժվի։
Այս մասին 24TV-ի եթերում ասել է ԱԺ մարդու իրավունքների և հանրային հարցերի մշտական հանձնաժողովի անդամ Արփի Դավոյանը։
«Իմ քայլի» պատգամավորը չի շտապում գնահատական տալ ՊՎԾ նախկին ղեկավարի շուրջ բարձրացված աղմուկին՝ միևնույն ժամանակ շեշտում է, որ երբ սկանդալ է հասունանում կոնկրետ անձի շուրջ, որն ինչ-որ հետաքրքրությունների շրջանակ է ներկայացնում, հենց այնպես ոչինչ չի լինում։
Նրա կարծիքով՝ երբեմն քննարկումները, թե թիմի ներսում պառակտում կա, ուղղորդված բնույթ են կրում։
«Առողջապահության փոխնախարարը հեղափոխական թիմի անդամ չէր և նրա վերաբերյալ բոլոր խոսակցություններն արագ լռեցին, բայց երբ հարցը ՊՎԾ հեղափոխական ղեկավարի մասին է, սկսեցին տարաբնույթ քննարկումներ, խմորումներ ու դավադրություների տեսություններ, ինչը նշանակում է, որ կենտրոնացված աշխատանք է տարվում»,- ասել է նա։
Առավել մանրամասն՝ տեսանյութում։