Մահվան ելքով վրաերթ՝ Երևանում․ վրաերթի ենթարկվածը տեղում մահացել է

ԵՐԵՎԱՆ, ԱՊՐԻԼ 24, 24News

վրաերթ

Երևանում ապրիլի 24-ին՝ ժամը 05:40-ի սահմաններում, մահվան ելքով վրաերթ է տեղի ունեցել. անհայտ մակնիշի եւ համարանիշի ավտոմեքենայի վարորդը Շենգավիթ վարչական շրջանում՝ Բագրատունյաց-Սողոմոն Տարոնցի փողոցների խաչմերուկում, վրաերթի է ենթարկել 66-ամյա Վոլոդյա Բ.-ին:

Shamshyan.com-ի փոխանցմամբ, վրաերթի ենթարկվածը տեղում մահացել է, իսկ վարորդը նրան թողնելով անօգնական, դիմել է փախուստի:

Փաստի առթիվ Հ. Մարգարյանի որոշմամբ հարուցվել է քրեական գործ ՀՀ քր. Օր.-ի 242 հոդվածի 2-րդ մասի (ճանապարհատրանսպորտային պատահար, որն ազգուշությամբ առաջացրել է մարդու մահ), եւ 244 հոդվածի (Ճանապարհատրանսպորտային պատահարի վայրը լքելը) հատկանիշներով:

Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական եւ քննչական համատեղ գործողություններ, փախուստի դիմաց վարորդին եւ նրա ավտոմեքենան հայտնաբերելու ուղղությամբ: