Պետական ապարատում «վհուկների որս» է սկսվել․ «Հրապարակ»

ԵՐԵՎԱՆ, ՀՈՒՆԻՍԻ 21, 24News

դ



«Հրապարակ» օրաթերթը գրում է. «Միջին օղակներում աշխատող որոշ պետական «ուսապարկեր» փորձում են իշխանություններին ծառայություններ մատուցել` զբաղված են բողոքի ակցիաների տեսագրություններն ուսումնասիրելով, որ նույնականացնեն, թե իրենց ենթականերից ով է մասնակցել դրանց: Ապա կանչում եւ բացատրություններ են պահանջում, նախատում։

Գերատեսչություններից մեկում բաժնի պետը հայտնաբերել է, որ ողջ բաժինը` 1-2-ի բացառությամբ, մշտապես մասնակցել է միտինգներին։ Կանչել է, որ «զրուցի» հետները` առաջարկելով դիմում գրել գնալ, եթե համաձայն չեն իշխանության վարած քաղաքականության հետ, չնայած աշխատակիցները փորձառու եւ, կարելի է ասել` անփոխարինելի կադրեր են։


Բայց աշխատողներն արժանի հակահարված են տվել, թե` պետական ապարատը ձեր սեփականությունը չէ, ցույցերին մասնակցելն էլ մեր սահմանադրական իրավունքն է»:

Ավելին՝ «Հրապարակ» օրաթերթի այսօրվա համարում։ 
--00—ՍՊ