ԵՐԵՎԱՆ, ՕԳՈՍՏՈՍԻ 10, 24News
Քաղաքացիական ենթակառուցվածքները չպետք է դառնան ռազմական հարվածների թիրախ, հայտարարել է Մերձավոր Արևելքում Պաղեստինի փախստականների օգնության գործակալության գլխավոր հանձնակատար Ֆիլիպ Լազարինին սոցիալական ցանցի իր X-ում՝ կապված Գազայի դպրոցի վրա իսրայելական հարվածի հետ:
Ավելի վաղ պաղեստինյան շտապ օգնության ծառայությունները հայտնել էին, որ իսրայելական ինքնաթիռը երեք հրթիռ է արձակել Գազայի Ալ-Թաբաին դպրոցի ուղղությամբ, որտեղ փախստականները հավաքվել էին առավոտյան աղոթքի համար:
Նախնական տվյալներով՝ զոհվել է 100 մարդ։
«Հերթական սարսափի օր Գազայում: Հերթական հարվածը դպրոցին և տասնյակ պաղեստինցիների սպանության մասին հաղորդումներ, ներառյալ կանայք, երեխաներ և ծերեր: Դպրոցները, ՄԱԿ-ի գործակալությունները և քաղաքացիական ենթակառուցվածքները թիրախ չեն»,- գրել է նա:
Լազարինիի խոսքով՝ հակամարտող կողմերը պետք է պաշտպանեն խաղաղ բնակիչներին։
--00—ՅՄ