ԿԳՆ աշխատակիցների արձակուրդների ժամանակացույցը հաստատվել է դեռևս այս տարվա սկզբին․ խոսնակ

ԵՐԵՎԱՆ, ՄԱՅԻՍ 14, 24News

ԿԳՆ

ՀՀ կրթության գիտության նախարարության աշխատակիցների արձակուրդների ժամանակացույցը հաստատվել է դեռեւս այս տարվա սկզբին: Այս մասին Facebook-ի իր էջում հայտնել է ԿԳ նախարարի մամուլի խոսնակ Անժելա Կժդրյանը:

Նա, մասնավորապես, գրել է.

«Իրավունք» թերթում տեղ գտած «ԿԳ նախարությունում թույլ չեն տալիս արձակուրդ գնալ» հրապարակման վերաբերյալ հայտնում եմ, որ ՀՀ կրթության եւ գիտության նախարարության աշխատակիցների արձակուրդների ժամանակացույցը հաստատվել է դեռեւս այս տարվա սկզբին։ Ավելին՝ այս պահին նախարարության աշխատակազմի ղեկավարը գտնվում է արձակուրդում»:

Ավելի վաղ «Իրավունք» թերթը գրել էր. «ՀՀ կրթության եւ գիտության նախարարությանը մոտ կանգնած մեր աղբյուրների համաձայն՝ ՀՀ ԿԳ նախարար Արայիկ Հարությունյանը հրահանգել է աշխատակիցներին արձակուրդ չգնալ: Պատճառն այն է, որ նախարարությունը շատ շուտով վերածվելու է, այսպես ասած, գերնախարարության՝ ընդգրկելով եւս մի քանի ոլորտ, ուստի՝ դեռ հայտնի չէ՝ ով կմնա, ով՝ կլքի աշխատանքը:

Հետեւաբար, բոլորից պահանջել են՝ հանգիստ նստել տեղները, մինչեւ հասկանան, ի վերջո, ինչպես են դուրս գալու իրենց իսկ ձեռքով «եփած ճաշից»:

 

Տեսանյութեր

Live

Լրահոս