Միջազգային ֆոնդային շուկաները դրական են արձագանքում Թրամփի ընտրությանն ու հայտարարություններին

Երկուշաբթին եվրոպական ֆոնդային բորսաները աճով սկսեցին՝ շարունակելով նախորդ շաբաթ ամերիկյան Ուոլ Սթրիթում գրանցված վերելքը:

Ինդեքսներն աճում են

Երկուշաբթի գերմանական DAX ինդեքսն աճեց 1,2%-ով՝ հասնելով 19,438․89-ի։ Փարիզում CAC 40-ն ավելացել է 1,1%-ով՝ հասնելով 7,421․24-ի: Մեծ Բրիտանիայի FTSE 100 ինդեքսը նույնպես աճել է 0,7%-ով՝ հասնելով 8,128․58-ի:

ԱՄՆ բաժնետոմսերը վաճառվում են աճի ակնկալիքով․ S&P 500-ի և Dow Jones Industrial Average-ի ինդեքսների ֆյուչերսները աճել են 0,3%-ով։

S&P 500-ն ուրբաթ բարձրացել էր 0,4%-ով՝ հասնելով 5,995․54-ի, ինչը 2023 թվականի նոյեմբերի սկզբից ամենամեծ շաբաթական աճն էր։ Կարճ ժամանակով S&P 500-ի ցուցանիշն անգամ գերազանցել էր 6,000 ցուցանիշը:

Dow Jones Industrial Average-ն աճել էր 0,6%-ով՝ հասնելով 43,988,99-ի, իսկ Nasdaq Composite-ն ավելացել էր 0,1%-ով՝ հասնելով 19,286․78-ի:

Ճապոնական Nikkei 225 ինդեքսը երկուշաբթի տատանվել է շահույթի և վնասի միջև, բայց, այնուամենայնիվ, փակվեց 0,1% աճով՝ հասնելով 39,533․32 կետին: