Փնտրում են ադեկվատ անձի․ Աշոտյանը միակը չէ, որ հանդիպել է Արարատ Միրզոյանի հետ. «Իրատես»

ԵՐԵՎԱՆՄԱՅԻՍԻ 17, 24News

1

«Իրատես» թերթը գրում է. «Նիկոլ Փաշինյանի իշխանությունում արտախորհրդարանական ուժերը փնտրում են առավել ադեկվատ անձի, որի հետ գոնե կարող են քննարկել երկրի համար կարևորագույն հարցեր, որտեղ իշխանություն-ընդդիմություն խաղալը երկրորդական է։

Եվ, մեր տեղեկություններով, կարծես գտել են մեկին, ով բաց է քննարկման համար և «հարայ-հրոցով» չի խոսում նրանց հետ։ Խոսքը ԱԺ խոսնակ Արարատ Միրզոյանի մասին է, որին, ըստ նույն տեղեկությունների, փորձում են հասկացնել, որ անհնար է առաջ շարժվել աջուձախ բոլորին «փռելով ու ծեփելով», որ արտաքին լուրջ մարտահրավերներ ունեցող այս երկրում բացի անձնական շահից, կա երկիր պահելու խնդիր։

Ասում են, հեշտ չի ստացվում նրան ևս դուրս բերել անընդհատ նախկինների հետ համեմատվելու գծից, բայց կարծես հնարավոր է բան հասկացնել։

Ի դեպ, օրերս նաև Արմեն Աշոտյանն էր հանդիպել Արարատ Միրզոյանի հետ, սակայն նա միակը չէ արտախորհրդարանական ուժերից, որի հետ Միրզոյանը քննարկում է քաղաքական հարցեր»:

Առավել մանրամասն՝ թերթի այսօրվա համարում:

 

 

 

Տեսանյութեր

Live

Լրահոս