ԵՐԵՎԱՆ, ՄԱՅԻՍԻ 17, 24News
Չեխիայում ՀՀ դեսպան Աշոտ Հովակիմյանը այսօր Պրահայի Վացլավ Հավելի անվան միջազգային օդանավակայանում հանդիպել է օդանավակայանի տնօրենների խորհրդի նախագահ Վացլավ Ռեհորի հետ։
Հանդիպման ընթացքում քննարկվել է 2020թ․ Երեւան-Պրահա կանոնավոր ուղիղ թռիչքների վերականգնման հնարավորությունը: Այս առնչությամբ չեխական կողմը ներկայացրել է հիմնավորումներ եւ վիճակագրական տվյալներ՝ թռիչքների վերականգնման նպատակահարմարության եւ այն հեռանկարային լինելու վերաբերյալ։
Երկուստեք կարեւորվել է թռիչքների վերականգնման անհրաժեշտությունը՝ հատկապես տնտեսական համագործակցությանը, ներդրումներին եւ փոխադարձ զբոսաշրջությանը զարկ տալու ակնկալիքով։