ԵՐԵՎԱՆ, ՄԱՅԻՍ 18, 24News
Մայիսի 18-ին, ժամը 05:50-ին «911» ծառայությանն ահազանգ է ստացվել, որ Շիրակի մարզի Գյումրի քաղաքի Կոշտոյան փողոցում գտնվող ծննդատան մոտակայքում այրվում է մթերային խանութ, ներսում կա քաղաքացի. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Կոշտոյան փողոցի թիվ 5/4 հասցեում գտնվող մթերային խանութում (սեփականատեր՝ Ա.Մ.):
Հրդեհը մեկուսացվել է ժամը 06:05-ին, մարվել՝ ժամը 06:43-ին:
Ամբողջությամբ այրվել են տանիքի փայտյա կառուցատարրերը (մոտ 30 ք.մ):