ԵՐԵՎԱՆ, ՓԵՏՐՎԱՐԻ 6, 24News
Իրանն ու Հայաստանն այս պահին աշխատում են համապարփակ ստրատեգիական գործընկերության փաստաթղթի վրա, որը պետք է ստորագրվի երկու երկրների ղեկավարների կողմից։ Այս մասին այսօր ասուլիսի ընթացքում ասաց Իրանի դեսպան Մեհդի Սոբհանին։
«Ուզում եմ նշել, որ Իրանը Հայաստանի հետ աշխատում է համապարփակ, ընդլայնված ռազմավարական փաստաթղթի վրա։ Այդ փաստաթուղթը պետք է ստորագրվի երկու երկրների ղեկավարների կողմից, դա երկարաժամկետ գործողության փաստաթուղթ է, դրանում զետեղված կլինեն առկա իրողությունները, հնարավորությունները և պոտենցիալը, դա բոլոր ոլորտներում երկկողմ հարաբերությունները զարգացնելու համար անհրաժեշտ պայմաններ կստեղծի», - իր խոսքում նշեց Իրանի դեսպանը։
Մանրամասները՝ տեսանյութում։
--00—ԱՊ