ԵՐԵՎԱՆ, ՀՈՒՆԻՍԻ 14, 24News
Լարված իրավիճակ Վերաքննիչ քրեական դատարանի դիմաց, որտեղ ընթանում է ՀՀ երկրորդ նախագահ Ռոբերտ Քոչարյանի գործով դատական նիստը։ Դատարանի բակում հավաքված Քոչարյանին դեմ և կողմ քաղաքացիների միջև կրքերը գնալով թեժանում են։ Քիչ առաջ վիճաբանություն սկսվեց, ինչը փորձեց հարթել ոստիկանությունը։ Քաղաքացիները հրմշտեցին միմյանց՝ փոխադարձ վիրավորական բառեր ուղղելով՝ «լակոտներ», «էշի տղերք» և այլն։
Նշենք, որ քիչ առաջ դատարանի բակ տուփերով պիցցաներ բերեցին և բաժանեցին Քոչարյանի կողմնակիցներին։