ԵՐԵՎԱՆ, ՀՈՒՆԻՍԻ 16, 24News
ՊՎԾ նախկին պետ, «Քաղաքացիական պայմանագիր» կուսակցության անդամ Դավիթ Սանասարյանը կուսակցության համագումարին լրագրողների հետ զրույցում նշեց, որ երբ ժամանակը գա կխոսի և կասի, թե ի՞նչ ուժեր են իր դեմ գործել։
«Ես ներգրավվել եմ մի գործի մեջ, որի հետ բացարձակ կապ չունեմ»,-ասաց նա։
Հարցին, թե ՔՊ-ականներից շատերն էին իրեն թիրախավորել կամ գոնե չէին պաշտպանում, հիմա ի՞նչ հարաբերություն ունի այդ մարդկանց հետ, Դավիթ Սանասարյանը պատասխանեց․
«Եթե ցույց տաք ՔՊ-ից ովքեր էին ինձ թիրախավորել, ես իրանց հետ հարց կունենամ։ Իսկ պաշտպանելը այլ հարց է․ ամեն մեկն իր մոտեցումն ունի, ինձ շատ-շատ ՀՀ քաղաքացիներ են պաշտպանել»,-ասաց նա։
Դավիթ Սանասարյանը նշեց, որ ընկերական հանդիպումներ ունեցել է վարչապետի հետ՝ զրուցելով ընթացիկ իրավիճակի մասին, իսկ Արթուր Վանեցյանի հետ հանդիպելու կարիք չի տեսել։
«Գործը ԱԱԾ-ից ՀՔԾ չի տեղափոխվել, մերժում եմ ստացել, էս դատարանում չեմ սպասում արդարադատութուն»,-ասաց նա։