ԵՐԵՎԱՆ, ՀՈՒՆԻՍԻ 19, 24News
«Ինտերֆաքս»-ը հայտնում է, որ «Ժողովրդական ճակատ» խմբակցությունից Գերագույն ռադայի պատգամավոր Դմիտրի Տիմչուկին Կիևում մեռած են գտել:
Ըստ հետաքննության նախնական տվյալների՝ նա վնասվել Է պարգև ստացած ատրճանակը մաքրելիս:
«Դմիտրի Տիմչուկը զոհվել Է. 40 րոպե առաջ: Տանը մաքրում Էր զենքը և անզգուշությամբ գնդակահարվել Է»,-ասել Էր «Գորդոն»-ի աղբյուրը:
Այնուհետեւ այդ տեղեկատվությունը հաստատել Է Ռադայի պատգամավոր Անտոն Գերաշչենկոն:
Տիմչուկը 45 տարեկան Էր: Նա պահեստի փոխգնդապետ Էր, զինվորական եւ քաղաքական լրագրող, ժողովրդականություն վայելող բլոգեր: 2014 թվականի գարնանից նա «Տեղեկատվական դիմադրություն» խմբի համակարգողն Էր, որը տվյալներ Էր հավաքում Դոնբասում մարտական գործողությունների վերաբերյալ:
Նա նաև ղեկավարում Էր «Ռազմաքաղաքական հետազոտությունների կենտրոն» հասարակական կազմակերպությունը:
2018 թվականի նոյեմբերին Տիմչուկը հայտնվել Է Ուկրաինայի այն 322 քաղաքացիների թվում, որոնք ենթարկվել են Ռուսաստանի պատժամիջոցներին: