Չկա մի հանդիպում, որտեղ չքննարկվի ԼՂ բանակցային սեղանի շուրջ վերադառնալու թեման․ վարչապետ

ԵՐԵՎԱՆ, ՀՈՒՆԻՍԻ 19, 24News

1

ԱԺ հարց-պատասխանի ժամանակ, ի պատասխան ԲՀԿ խմբակցության քարտուղար Արման Աբովյանի հարցին, թե ինչ ընթացքում է բանակցային սեղանի շուրջ Արցախի վերադառնալու հարցը, ՀՀ վարչապետ Նիկոլ Փաշինյանը պատասխանել է, որ չկա մի հանդիպում, որտեղ այդ հարցը չքննարկվի:

«Բանակցությունների ընթացքում, բոլոր այն խնդիրները, որոնք խանգարում են հետագա բանակցություններին, կբարձրացվեն: ԼՂ բանակցային սեղանի շուրջ վերադառնալու թեման, չկա մի հանդիպում, որի ընթացքում չի քննարկվում», - ասաց վարչապետը։

Հարցին՝ Ադրբեջանը գուցե չընդունեց հայկական կողմից առաջարկվող բանակցությունների նոր ընկալումը և հնարավոր է դա ընկալեց, որպես հայկական կողմի թուլություն, Փաշինյանն ասաց.

«Ադրբեջանն ինչ մեկնաբանություն տալիս է, դա իր մեկնաբանությունն է: ՀՀ-ն և Արցախի Հանրապետությունն ի վիճակի են իրենք իրենց շահերը պաշտպանել՝ ինչպես դիվանագիտական շրջանակում, այնպես էլ, անհրաժեշտության դեպքում, առաջնագծում: Այս ընթացքում մենք դա ապացուցել ենք ու կշարունակենք ապացուցել»: