ԵՐԵՎԱՆ, ՀՈՒՆԻՍ 22, 24News
Սամբոյի Հայաստանի հավաքականի երկու անդամները չկարողացան բրոնզե մեդալի համար գոտեմարտում հաղթանակ տոնել: «Արմենպրես»-ի հաղորդմամբ՝ 57 կգ քաշային կարգերի պայքարում Մաքսիմ Մանուկյանը բրոնզե մեդալի համար գոտեմարտում 1:9 հաշվով պարտվեց Ադրբեջանից Մեհման Խալիլովին՝ զրկվելով բրոնզե մեդալից:
Հայաստանի մյուս ներկայացուցիչը՝ 48 կգ քաշային Ասյա Լալազարյանը ևս անհաջող գոտեմարտ անցկացրեց և պարտվեց բելառուսցի Անֆիսա Կապաևային նվազագույն հաշվով:
Եվրոպական երկրորդ խաղերին մասնակցում են 50 երկրի մոտ 4000 մարզիկներ: Եվրոպական խաղերի շրջանակում անցկացվում են երկու մարզաձևի Եվրոպայի առաջնություններ, իսկ 8 մարզաձևերը կլինեն Տոկիոյի 2020 թվականի Օլիմպիական խաղերի համար որակավորում տվող: Հայաստանը Եվրոպական երկրորդ խաղերին մասնակցում է 37 մարզիկով: