Արմավիրի ոստիկանները հայտնաբերել են թմրանյութի «պլանտացիա»

ԵՐԵՎԱՆՀՈՒՆԻՍԻ 24, 24News

.

Հունիսի 22-ին, ժամը 16.40-ին, քննվող քրեական գործի շրջանակներում, ընդհանուր իրավասության առաջին ատյանի դատարանի որոշմամբ, խուզարկություն է կատարվել Հովտամեջ գյուղի 32-ամյա մի բնակչի պատկանող վագոն-տնակում եւ կից կիսակառույց շինությունում:

Ոստիկանությունից հայտնում են, որ շինության 4-րդ սենյակից հայտնաբերվել է կանեփի թփի նմանվող 46 բույս, իսկ 3-րդից՝ պլաստիկ տարայում լցված, մոտ 132 գրամ կշռով կանաչավուն, մանրացված, կանեփի սուր հոտ ունեցող զանգված, որի կողքին՝ եղել է մոտ 47 գրամ կշռով նույն զանգվածից:

Ըստ բնակչի հայտարարության՝ հայտնաբերվածը կանեփ է, որն ինքն է ցանել, աճեցրել, չորացրել, մանրացրել եւ պատրաստել թմրամիջոց՝ ծխելու եղանակով օգտագործելու համար:

Հայտնաբերվածն ուղարկվել է ոստիկանության փորձաքրեագիտական վարչություն:

Նախապատրաստվում են նյութեր:

Տեսանյութեր

Live

Լրահոս