ԵՐԵՎԱՆ, ՀՈՒՆԻՍԻ 26, 24News
Երեւանի քաղաքապետարանը հետ է վերադարձնելու ԱԺ նախկին պատգամավոր Սամվել Ալեքսանյանի ընտանիքին տրամադրված մանկապարտեզի շենքը:
«Հունիսի 30-ին ծանուցման ժամկետը լրանում է, եւ Երեւանի քաղաքապետարանը միակողմանի լուծում է պայմանագիրը՝ մանկապարտեզը վերադարձնելով համայնքին»,-այդ մասին ավագանու նիստում հայտնեց փոխքաղաքապետ Տիգրան Վիրաբյանը:
Նշենք, որ Մալաթիա-Սեբաստիա վարչական շրջանում գտնվող «Սեբաստիա» մանկապարտեզ-դպրոց կրթահամալիրի շենքն ու հողատարածքը 2008 թվականին 50 տարի ժամկետով անհատույց օգտագործման էր հանձնվել «Ալեքսանյանների ընտանիք» բարեգործական հասարակական կազմակերպությանը: